Канфэрэнцыя «”Новым імкненьням даць новыя формы”. Вацлаў Ластоўскі і беларускія мовазнаўцы ў культурным дыскурсе 20-30-х гадоў» адбудзецца ў Скарынаўскай бібліятэцы 10–11 лістапада 2023 году ў гібрыдным фармаце — у ёй можна будзе ўзяць удзел зь любой кропкі.
Прапановы выступленьняў на тэмы, зьвязаныя з постацьцю і спадчынай Вацлава Ластоўскага, іншых вядучых мовазнаўцаў, і з гісторыяй беларускага мовазнаўства і беларусістыкі, просім дасылаць на адрас [email protected] да 10 верасьня 2023 году.
Працоўныя мовы: беларуская і ангельская.
Запрашаем усіх, хто займаецца як у гістарычнай, так і сучаснай пэрспэктыве спадчынай слынных мовазнаўцаў і літаратараў: Вацлава Ластоўскага, Максіма Гарэцкага, Язэпа Лёсіка і Сьцяпана Некрашэвіча ды іншых. Таксама да ўдзелу ў канфэрэнцыі запрашаюцца ўсе, хто міждысцыплінарна дасьледуе ідэі, тэорыі, тэксты прыгаданых мысьляроў і дасьледнікаў.
Партнэры Скарынаўскай бібліятэкі ў арганізацыі і правядзеньні канфэрэнцыі:
- Беларускі музэй імя Івана Луцкевіча (Вільня),
- Цэнтар Чэслава Мілаша пры Ўнівэрсытэце Вітаўта Вялкіга (Коўна).
Карыстайцеся, калі ласка, хэштэгамі #Ластоўскі140 і #Lastouski140 у сацыяльных сетках для запісаў, датычных канфэрэнцыі і юбілею. Спампаваць постар.
❖
У 20-я гады XX стагодзьдзя, калі адбываліся працэсы станаўленьня новай беларускай рэчаіснасьці, беларускае мовазнаўства адыгрывала вялізарную ролю ў інтэлектуальным і культурным дыскурсе, уплывала на гэты дыскурс і жывілася зь яго.
На тле гэтых працэсаў выразна вылучаецца постаць Вацлава Ластоўскага (1883–1938) — пісьменьніка, гісторыка, мовазнаўцы, этнографа, грамадзкага і палітычнага дзеяча. Сёлета — у год беларускай мовы і нацыянальнага адраджэньня — мы сьвяткуем ягонае 140-годзьдзе.
Таксама сёлета мы адзначаем юбілеі іншых нашых выбітных адраджэнцаў: пісьменьнікаў і мовазнаўцаў Максіма Гарэцкага (1893–1938), Язэпа Лёсіка (1883–1940), Сьцяпана Некрашэвіча (1883–1937). Разам з Ластоўскім яны былі сярод тых, хто закладаў асновы сучаснага беларускага мовазнаўства і гістарыяграфіі, ствараў слоўнікі, граматыкі, пісаў літаратуразнаўчыя агляды, стаяў ля вытокаў Інбелкульту і Беларускай акадэміі навук. Яны ж сталі аднымі зь першых ахвяраў сталінскага тэрору супраць нацыянальнай інтэлігенцыі.
❖
Апрача самой канфэрэнцыі плянуецца шэраг імпрэзаў у Лёндане, у Летуве (Вільня, Коўна) і Польшчы (Варшава):
- Вільня, лістапад 2023, Віленскі беларускі музэй імя Івана Луцкевіча: Прэзэнтацыя выданьня фотаальбому з этнаграфічнай экспэдыцыі пад кіраўніцтвам Вацлава Ластоўскага 1928 году.
- Лёндан, 10-11 лістапада 2023, Скарынаўская бібліятэка: Канфэрэнцыя «”Новым імкненьням даць новыя формы”. Вацлаў Ластоўскі і беларускія мовазнаўцы ў культурным дыскурсе 20-30-х гадоў».
- Лёндан, 11 лістапада 2023, Скарынаўская бібліятэка: Прэзэнтацыя перавыданьня фотаальбому з этнаграфічнай экспэдыцыі пад кіраўніцтвам Вацлава Ластоўскага 1928 году.
- Лёндан, лістапад 2023, Скарынаўская бібліятэка: Выстава першых выданьняў і аўтографаў В. Ластоўскага, С. Некрвшэвіча, Я . Лёсіка, М. Гарэцкага.
- Лёндан, лістапад 2023, Скарынаўская бібліятэка: Прэзэнтацыя кнігі “Мовазнаўчыя працы Вацлава Ластоўскага”, пад рэд. У. Гарбацкага, выдавецтва Скарына.
- Коўна, лістапад 2023, Цэнтар Чэслава Мілаша пры Ўнівэрсытэце Вітаўта Вялікага: Прэзэнтацыя перавыданьня фотаальбому з этнаграфічнай экспэдыцыі пад кіраўніцтвам Вацлава Ластоўскага 1928 году.
- Лістапад-сьнежань, 2023: Анлайн-прэзэнтацыя выставы рэдкіх выданьняў і аўтографаў В.Ластоўскага ў калекцыі Скарынаўскай бібліятэкі і куратарская экскурсія па выставе “Няскораныя”.
- Вільня, лістапад 2023, Віленскі беларускі музэй імя Івана Луцкевіча: Сустрэча з унукам Вацлава Ластоўскага і Марыі Ластаўскене, Рымантасам Матулісам.
- Вільня, лістапад 2023: Прэзэнтацыя кнігі “Мовазнаўчыя працы Вацлава Ластоўскага”, пад рэд. У. Гарбацкага, выдавецтва Скарына.
- Вільня, лістапад/сьнежань 2023, Віленскі беларускі музэй імя Івана Луцкевіча / Цэнтар Чэслава Мілаша пры Ўнівэрсытэце Вітаўта Вялікага: Круглы стол, прысьвечаны В. Ластоўскаму.
- Варшава, сьнежань 2023, Катэдра беларусістыкі, Варшаўскі ўнівэрсытэт, Прэзэнтацыя кнігі “Мовазнаўчыя працы Вацлава Ластоўскага”, пад рэд. У. Гарбацкага, выдавецтва Скарына.
- Коўна, сьнежань 2023, Цэнтар Чэслава Мілаша пры Ўнівэрсытэце Вітаўта Вялікага: Прэзэнтацыя кнігі “Мовазнаўчыя працы Вацлава Ластоўскага”, пад рэд. У. Гарбацкага, выдавецтва Скарына.