Айца Надсана зьвязвала доўгае сяброўства з Старшынёй Рады БНР Івонкай Сурвіллай. Сёлета спадарыня Івонка ўзяла ўдзел у Надсанаўскіх чытаньнях, якія прайшлі ў красавіку ў Вільні. Ніжэй падаем лацінкаю тэкст ейнага выступу:
Havaryłasia šmat padčas hetych Dnioŭ pamiaci, pryśviečanych ajcu Alaksandru Nadsanu, pra darahoha ŭsim nam śviatara, pra vydatnaha aŭtara, jaki napisaŭ vialikuju kolkaść navukovych pracaŭ, pra administratara Fondu dapamohi аchviaram Čarnobylu ŭ Bielarusi, pra matematyka, a pierad usim pra čałavieka, jaki paśviaciŭ žyccio svajoj Baćkaŭščynie — Biełarusi.
Chacieła b skazać z svajho boku niekalki słoŭ pra dobrazyčlivaha siabra, jakoha viedała dziesiatki hadoŭ — faktyčna ad 1951-ha hodu, jakoha bačyła na kanferencyjach, na sustrečach, na paśviačeńni biełaruskaha kryža ŭ Midłendzie i ŭ mnohich krainach śvietu, uklučna, biezumoŭna, u Finchley.
Što mianie ad samaha pačatku našaha siabroŭstva zachapiła, heta kolki ajciec Alaksandar naźbiraŭ kruhom ludziej, ź jakich chutka rabiŭ biełarusistaŭ.
Ja zaŭsiody ŭvažała, što adnym z najbolš cennych našych talentaŭ na čužynie była zdolnaść zdabyvać siabroŭ dla Biełarusi. Nieraz u našaj historyi inakš składalisia b abstaviny, kali b my mieli kruhom nas lajalnych siabroŭ. Takich u nas zaŭsiody nie chapała. Kab byŭ u prezydenta Wilsona bielaruski Padareŭski, mo nam i ŭdałosia b zachavać niezaležnaść u 1918-m hodzie.Tolki ŭ Londanie my mieli Vieru Ryč, Arnolda Makmilina, Jyma Dynhli i stolki inšych biełarusistaŭ, jakija niastomna pracavali dla Biełarusi.
Svajoju talerantnaściu, svajoju vietlivaj uśmieškaj, svaim dobrym sercam ajciec Alaksandar z kožnym hodam pašyraŭ kruhom siabie koła biełarusistaŭ.
Dla mianie asabista zaŭsiody było vialikaj radaściu zavitać u Londan i pravieści paru dzion u Skarynaŭcy albo ŭ Maryjan-Haŭzie. A ź jakoj radaściu my vitali ajca ŭ Atavie na našym pieršym festyvali Baćkaŭščyna i ŭ Paryžy!Mieli my ŭsie vialikaje ščaście mieć miž nami Śviatoha Čałavieka, našaha darahoha surodziča ajca Alaksandra Nadsana!
Viečnaja Jamu pamiać!
Ivonka Surviłła