Скарынаўская бібліятэка ў Лёндане пабудавала дадатковае сховішча на падземным паверсе з сучаснай сыстэмай кантролю тэмпэратуры і вільготнасьці.
Паводле куратаркі Караліны Мацкевіч, новая заля дазволіць Скарынаўцы захоўваць яе багатую калекцыю пэрыядычных выданьняў у адным лёгкадаступным месцы і вызваліць прастору для новых кніг і іншых скарбаў.
Апякун Павал Шаўцоў заўважыў, што гэта гістарычны момант – першае пашырэньне сховішчаў Скарынаўкі з часу ейнага заснаваньня ў 1971 годзе.
Апякунская рада бібліятэкі дзякуе Беларускаму Харытатыўнаму Фонду Вялікай Брытаніі, які пакрыў палову будаўнічых выдаткаў, а таксама будаўнікам пад кіраўніцтвам Андрэя Вышадка.
Бібліятэка і музэй Францішка Скарыны зьяўляецца незалежнай дабрачыннай установай, афіцыйна зарэгістраванай у Вялікай Брытаніі. Ейная місія – захаваньне беларускіх культурных скарбаў праз пакаленьні – залежыць ад ахвяраваньняў беларусаў сьветуПрацягвайце падтрымліваць Скарынаўку!
![](https://skaryna.org/wp-content/uploads/2023/09/370287630_678169114345993_19677028688776493_n-530x1024.jpg)
![](https://skaryna.org/wp-content/uploads/2023/09/370382499_678169144345990_8593022967289852412_n-1024x768.jpg)
![](https://skaryna.org/wp-content/uploads/2023/09/370480303_678169131012658_5040123102110388596_n-1024x768.jpg)